പി.സി.ജോർജ്പുതിയ രാഷ്ട്രീയപാർട്ടി രൂപീകരിക്കുന്നു
- 07/01/2017
കോട്ടയം: പൂഞ്ഞാർ എംഎൽഎ പി.സി.ജോർജ് പുതിയ രാഷ്ട്രീയ പാർട്ടി രൂപീകരിക്കുന്നു. കേരള ജനപക്ഷം എന്നാണ് പാർട്ടിക്കു പേരു നൽകിയിരിക്കുന്നത്. ജനുവരി 30ന് പാർട്ടിയുടെ പ്രഖ്യാപന കൺവെൻഷൻ സംഘടിപ്പിക്കും. പി.സി.ജോർജാണ് പാർട്ടി ചെയർമാൻ. പാർട്ടിയുടെ ആദ്യസമരം ഈ മാസം 17ന് സംഘടിപ്പിക്കും. നോട്ട് അസാധുവാക്കിയ കേന്ദ്രസർക്കാർ തീരുമാനത്തിനെതിരേയാണ് പ്രക്ഷോഭം. പ്രക്ഷോഭത്തിൽ 5000 പേരെ പങ്കെടുപ്പിക്കാനാണ് തീരുമാനിച്ചിരിക്കുന്നത്. ഇതിനുമുന്നോടിയായി പാർട്ടിയുടെ ലീഡർഷിപ്പ് ക്യാമ്പ് 5, 6 തീയതികളിൽ കോട്ടയത്തു ചേർന്നയാതാണ് റിപ്പോർട്ട്.കേരളത്തിലെ മൂന്നു മുന്നണികളോടും തന്റെ പാർട്ടിക്ക് സമദൂര നിലപാടായിരിക്കുമെന്ന് പി.സി.ജോർജ് കഴിഞ്ഞദിവസം വ്യക്‌തമാക്കിയിരുന്നു.
Top News
