സ്കൂൾ വാഹനങ്ങളുടെ പരിശോധന കാടുപ്പിച്ചു ആർ.ടി.ഒ.വകുപ്പ് ;
- NewsDesk tvm rathikumar
- 30/05/2022
സ്കൂൾ വാഹനങ്ങളുടെ പരിശോധന കാടുപ്പിച്ചു ആർ ടി ഒ വകുപ്പ് ............................................................................. തിരുവനന്തപുരം ; സ്കൂൾ വാഹനങ്ങളുടെ പരിശോധന കർശനമാക്കി ആർ ടി ഒ അധികാരികൾ .സ്കൂൾ തുറക്കുന്ന തിനോടനുബന്ധിച്ചുള്ള സ്കൂൾ വാഹനങ്ങളുടെ പരിശോധനയിൽ നെയ്യാറ്റിൻകര ആർ ടി ഒ യുടെ കീഴിലുള്ള വിവിധ സ്കൂളുകളിൽ നിന്നായി 123 വാഹനങ്ങൾ നെയ്യാറ്റിൻകര കാഞ്ഞിരം കുളത്തിനു സമീപം നടന്ന പരിശോധനയിൽ പങ്കെടുത്തു.. പോരായ്മകൾ കണ്ടെത്തിയ 19 വാഹനങ്ങൾ അവ പരിഹരിച്ച് വീണ്ടും ഹാജരാക്കുന്നതിന് നിർദ്ദേശം നൽകി . ചില വാഹനങ്ങളിൽ ഫസ്റ്റ് എയിഡ് ബോക്സ് ശൂന്യമായിരുന്നു ,KL -20 C 42 നമ്പറുള്ള സ്കൂൾ ബസ്സിന്റെ പിൻഭാഗത്തെ ടയർ മൊട്ടയാണെന്നത് പരിശോധനയിൽ ബോധ്യപ്പെട്ടു . നിരവധി വാഹനങ്ങളുടെ സീറ്റുകൾ റെക്സിനുകൾ കീറിയ നിലയിലായിരുന്നു . തേയ്മാനമുള്ള ടയറുകൾ മാറ്റി പുതിയ ടയർ റീപ്ലേസ് ചെയ്യാൻ ആവശ്യപ്പെട്ടിട്ടുണ്ട് . ബാക്കിയുള്ള 104 വാഹനങ്ങളിൽ തിരിച്ചറിയുന്നതിനായി sticker പതിക്കുകയും ചെയ്തു... എന്നാൽ സർക്കാർ സ്കൂളുകളിലെ വാഹനങ്ങൾ എല്ലാം പരിശോധനക്ക് എത്തിച്ചിരുന്നില്ല .എല്ലാ സ്കൂൾ വാഹനങ്ങളിലും ആർടി ഓ നൽകുന്ന സ്റ്റിക്കർ പതിപ്പിച്ചിരിക്കണം എന്ന നിർദേശം മുഖവിലക്കെടുത്തില്ല എന്ന ആക്ഷേപം ഉയർന്നിട്ടുണ്ട് . പ്രസ്തുത പരിശോധനയിൽ നെയ്യാറ്റിൻകര ജോയിന്റ് ആർടിഒ സന്തോഷ് കുമാർ സി എസ് നേതൃത്വം നൽകി, MVI മാരായ മധുകുമാർ കിഷോർ, AMVI മാരായ ശ്രീജിത്ത് പി, ഷംനാദ് എസ് ആർ, വിനോദ് A Oഎന്നിവരും പങ്കെടുത്തു... ഇന്ന് പരിശോധനയ്ക്ക് ഹാജരാകാത്ത വാഹനങ്ങളും പരിശോധനയിൽ പോരായ്മകൾ കണ്ടെത്തിയ വാഹനങ്ങളും നാളെ പരിശോധനയ്ക്ക് വീണ്ടും ഹാജരാക്കണമെന്ന് ഉദ്യോഗസ്ഥർ അറിയിച്ചു...... സ്കൂൾ സ്കൂൾ ബസ് ഓടിക്കുന്ന ഡ്രൈവർമാർക്കും ആയമാർക്കും ഉള്ള പ്രത്യേക പരിശീലനo ഈ വരുന്ന ശനിയാഴ്ച (04/06/2022) നെയ്യാറ്റിൻകര വിശ്വഭാരതി പബ്ലിക് സ്കൂൾ ഓഡിറ്റോറിയത്തിൽ വച്ച് രാവിലെ 9 മണി മുതൽ നടക്കുന്നു. നെയ്യാറ്റിൻകര എംഎൽഎ പങ്കെടുക്കുന്ന പരിശീലന പരിപാടിയിൽ എല്ലാ സ്കൂളിലെ ഡ്രൈവർമാരും സ്കൂൾ ബസിലെ ആയമാരും പങ്കെടുക്കേണ്ടതാണ് എന്ന് ജോയിന്റ് ആർടിഒ അറിയിച്ചു..
Top News
