കർഷകൻ ജീവനൊടുക്കിയ സംഭവം: വില്ലേജ് അ​സി​സ്റ്റന്‍റിന് സസ്പെൻഷൻ

പേ​രാ​ന്പ്ര: കൈ​വ​ശ​ഭൂ​മി​ക്ക് കരം സ്വീ​ക​രി​ക്കാ​ത്ത​തി​നെ തു​ട​ർ​ന്ന് ക​ർ​ഷ​ക​ൻ ജീ​വ​നൊ​ടു​ക്കി​യ സം​ഭ​വ​ത്തി​ൽ വില്ലേജ് അസിസ്റ്റന്‍റിന് സ​സ്പെ​ൻ​ഷ​ൻ. വി​ല്ലേ​ജ് അ​സി​സ്റ്റന്‍റ് സിലീഷി​നെയാണ് അന്വേഷണ വിധേയമായി സ​സ്പെ​ൻഡ് ചെയ്തത്. വീ​ഴ്ച വ​രു​ത്തി​യ ഉ​ദ്യോ​ഗ​സ്ഥ​രെ സ​സ്പെ​ൻ​ഡ് ചെ​യ്യു​മെ​ന്ന് ജില്ലാ ക​ള​ക്ട​ർ യു.​വി.​ജോ​സ് വ്യ​ക്ത​മാ​ക്കി​യതിന് തൊ​ട്ടു​പി​ന്നാ​ലെ​യാ​ണ് ന​ട​പ​ടിയുണ്ടായിരിക്കുന്നത്. ക​ർ​ഷ​ക​ൻ ജീ​വ​നൊ​ടു​ക്കി​യ സം​ഭ​വ​ത്തെ കു​റി​ച്ച് അ​ന്വേ​ഷി​ച്ച് റി​പ്പോ​ർ​ട്ട് ന​ൽ​കാ​ൻ റ​വ​ന്യൂ​മ​ന്ത്രി ഇ. ​ച​ന്ദ്ര​ശേ​ഖ​ര​ൻ ക​ള​ക്ട​ർ​ക്ക് നി​ർ​ദേ​ശം ന​ൽ​കി​യി​രു​ന്നു. ചെ​മ്പ​നോ​ട സ്വ​ദേ​ശി കാ​വി​ൽ പു​ര​യി​ട​ത്തി​ൽ ജോ​യി എ​ന്ന തോ​മ​സ് (56) ആ​ണ് ബുധനാഴ്ച വൈകിട്ട് വില്ലേജ് ഓഫീസിൽ ജീ​വ​നൊ​ടു​ക്കി​യ​ത്. കരം സ്വീകരിക്കാത്തതിനെ തുടർന്ന് ജോ​യി ര​ണ്ടു വ​ർ​ഷ​മാ​യി വി​ല്ലേ​ജ് ഓ​ഫീ​സി​നു മു​ന്നി​ൽ സ​മ​ര​ത്തി​ലാ​യി​രു​ന്നു. വി​ഷ​യ​ത്തി​ൽ ത​ഹ​സീ​ൽ​ദാ​ർ ഇ​ട​പെ​ട്ടെ​ങ്കി​ലും ന​ട​പ​ടി ഇ​ല്ലാ​തെ വ​ന്ന​തോ​ടെയാണ് ജോ​യി ജീ​വ​നൊ​ടുക്കിയതെന്ന് ബന്ധുക്കൾ പറയുന്നു. മ​ര​ണ​ത്തി​ന് ഉ​ത്ത​ര​വാ​ദി​ക​ൾ വി​ല്ലേ​ജ് ഓ​ഫീ​സ് ഉ​ദ്യോ​ഗ​സ്ഥ​രാ​ണെ​ന്ന് ജോ​യി​യു​ടെ സ​ഹോ​ദ​ര​ൻ ജോ​ണി ആ​രോ​പിച്ചു. സം​ഭ​വ​ത്തി​ൽ പ്ര​തി​ഷേ​ധി​ച്ച് കോ​ൺ​ഗ്ര​സ് മ​ണ്ഡ​ലം ക​മ്മി​റ്റി ച​ക്കി​ട്ട​പാ​റ പ​ഞ്ചാ​യ​ത്തി​ൽ ഇ​ന്ന് ഹ​ർ​ത്താ​ലി​ന് ആ​ഹ്വാ​നം ചെയ്തിട്ടുണ്ട്.